Gebrauchsanleitung:
De Morte Caesaris

Bello civili confecto Caesar omnibus, qui contra eum pugnaverant, ignovit atque re publicae constituendae operam dedit.
Cum tam clementer victoria sua uteretur, vix invenires, quin eum ingenio omnibus praestare atque rem publicam bene gerere concederet.
Itaque plurimi maximique honores ei a senatu decreti sunt; inter cetera ter pater patriae appelatus est et sacrosanctus ac dictator in perpetuum fuit.
Cum autem contra sonsuetudinem Romanae libertatis agere senatumque arroganter tractare inciperet, multi eum dominatione abuti existimaverunt et libertatem amissam questi sunt.
Tum L. Bruti statuae subscriptum est: "Utinam viveres!" et circiter sexaginta senatores equitesque Romani C. Cassio et M. Bruto principibus contra eum coniuraverunt.
Cum Idibus Martiis senatus in Pompei curiam ediceretur, hanc diem Caesari interficiendo constituerunt.
Caesari futura caedes multis prodigiis praedicta est.
Nam Spurinna haruspex eum monuit, ut Idus Martias caveret, et Calpurnia uxor somnio territa ei suasit, ut domi maneret.
Neque tamen hoc die in curiam se conferre dubitavit.
Postquam assedit, coniurati specie officii eum circumsteterunt et Tillius Cimber, qui primas partes susceperat, quasi aliquid rogaturus propius accessit;
negantemque et in aliud tempus differentem ab utroque umero comprehendit;
deinde clamantem: "Ista quidem vis est!" Casca vulneravit paulum infro iugulum.
Caesar Cascae bracchium arreptum stilo transfodit conatusque prosilire alio vulnere tardatus est;
utque animadvertit undique se strictis pugionibus peti, toga caput obvolvit.
Ita tribus et viginti ictibus confossus ante statuam Pompei concidit.
Occisus diffugientibus cunctis aliquamdiu iacuit, donec tres servi eum domum rettulerunt.



Weitere lateinische Lesetexte mit Übersetzungshilfen hier.
24. September 2018
Englische Songtexte von VoPo   Homepage von Volker Pöhls